Magga ođđa jođiheaddjin
Ovddeš sámediggepresideanta, giellaprofessor Ole Henrik Magga lea nammaduvvon ođđa jođiheaddjin Israel Ruong foandda stipeandastivrii. Foandda stivrras leaba vel miellahttun Giellagas instituhta njunuš Anne-Sire Länsman ja gielladieđaprofessor Mikael Svonni. Stipeandastivrra ovddeš jođiheaddji, Sámi allaskuvla rektor Jelena Porsanger heittii jođiheaddjiin go Norgga lága mielde eai sáhte allaskuvlla njunnožat leat jođiheaddjin eará ásahusain, maiguin allaskuvlla bargá lahkalagaid.