Snåasen tjïelte, daam saemien eejhteghe dåehkiem eerkeleme. Suaja maanagïerten, ålkoe-sijjie øøvre ïskeres mijjien maanide, jeahta Inger Marit Eira.Åhren.
Inger Marit Eira Åhren eejhtege, mij gïertem vuarta, Suaja maanagïerten ålkoe-sijjien bijre.
Foto: Liv Inger Somby / NRK– Mijjie guhkiem krïeveme, tjïelte tjuara eensi gïertem jih oksh , maanagïerten ålkoe-sijjien bijre tseegkedh. Daelie maehtieh maanah, øøjtede vaedtsedh, tjaajanidh. Diekie jijnjh loeves bienjh jih jijnjh bijlh båetieh.
Mejtie jijnjh bijlh maanagïerten gåajka vuejieh?
–Nov lea! Jijnjh daejstie ov-nohkens almetjistie, øøjtede diekie, maanagïerten gåajka vuejieh, dah mah edtjieh Saemien Sijtem guessiedidh. Eah dah daejrieh, maanagïerte jih skuvle daesnie vuelnie jeahta Eira Åhren.
Suaja maanagïerte åtna ïskeres ålkoe-sijjiem.
Gåessie dah maanah ålkene stååkeminie dellie øøvre ïskeres. Mij sjædta, mejtie naan bijle maanan sontere vuaja. Daam gïertem jaepeste 2003 vuarteme.
– Dah maanagïerten barkijh, daan mearan, joekoen laakan maanide geehteme. Ij leah naan ov-læhkoe sjidteme. Daelie vaenebe barkijh jih jienebe barkoe sjædta fïere guhte barkijde. Daelie tjïelte tjuara gïertem tseekedh, jeahta Eira Åhren.
Snåasen tjïelte åajaldehteme.
Snåasen tjïelte lea prieviem åadtjeme Suaja maanagïerten eejhteghe dåehkijste, jeahta Snåasen tjïelten raeriesålma Truls Eggen.
Snåasen tjïelten raeriesålma Truls Eggen.
Foto: Håvard Zeiner / NRK– Manne jijtje tekniske åejviem stilleme edtja daam gïertem tseekedh. Dihte lij daan gïjren. Rovnege ij leah tseekesovveme, jeahta Eggen.
Luhkie jaepieh barkeme daan gïerten åvteste, mannasinie daan seejmes?
– Daate lea nåake daan guhkiem gååteme. Edtjebe dallatjinie tseekedh, jeahta Truls Eggen.
