NRK Meny

Maŋidedje báikenammaášši

Orui nu ahte Divttasvuonas galge dušše ovcci geainnu 109 geainnus oažžut sámi nama, muhto dál lea ášši maŋiduvvon. Ođđa namat galge mearriduvvot ivttá ovdagoddečoahkkimis, muhto ášši maŋiduvvui go sámi namat leat hejot kvalitehtasihkarastojuvvon. Sámediggepresideanta Aili Keskitalo ii lean duhtavaš go dušše 8,3 proseanta geainnuin Divttasvuonas galge oažžut sámi namaid, ja son riŋgii ge sátnejođiheaddjái ovdal čoahkkima. Sátnejođiheaddji Tor Asgeir Johansen jáhkká eanet geainnuid oažžut sámi namaid dál go ášši lea maŋiduvvon. Ii leat vel čielggas goas dál Divttasvuonas mearridit báikenamaid.