Maŋidan FM-debáhta
Dál leat maŋidan debáhta gos galge digaštallat ahte jáddadit go FM-fierpmádaga vai eai. Sivvan maŋideapmái lea ahte stáhtaráđit geain lea ovddasvástádus gearggusvuhtii, galget čilget Stuoradiggái makkár váikkuhusat leat gearggusvuhtii ja sihkarvuhtii jus FM-fierpmádat jáddaduvvo. FM-fierpmádaga galgá plána mielde jáddaduvvot Nordlánddas ođđajagimánu 11. beaivvi.