Maŋŋunam Bårjås moattelágásj temájn
Dán jagásj Bårjås julevsámeguovdátjis Árran, la val maŋŋunam, viertti gal javllat. Esski ruohttaiehkeda almoduvvá, ja Árranin li de uvsa rahppot vaj besa dav oastátjit. Dijmmá ittjij Bårjås almoduvá, ja dán jagásj Bårjås de gåbttjå dijmásj jagev aj. Bårjjåsin de oattjo ienebuv låhkåt dávverij ja mujttálusáj birra. Moadda tjállusa danna li gálvo ja duoje birra mij gullu Bååstede-prosjæktaj. Bååstede ulmme l gálvojt Vuona álmmukmuseas ruoptoldit. Duodden aj besa Elsa Laula Renberga birra låhkåt, ja moadda ietjá temaj birra. Bårjjåsa åvddåbielen la gåvvå goabddás mij Hábmerin gávnnuj "gierge vuolen", ja goabdes la akta dajs gálvojs mij Árrana museaj galgggá ruoptolduvvat.