NRK Meny
Normal

Maŋŋidis giđđa maŋŋonahtii čuoikka

Čuoikka dajahus lea ahte mihcamárbeaivái gal boađán vaikko guovtti soabbái, jus ovdal in leačča jo boahtán. Jus dal ovtta ijas ii liehmudeaš, de lea bahá dadjat ahte čuoikkat ollešedje ihttážii vaikko dan guovtti soabbái, árvala Oulu universitehta divredutki ja intendeanta Marko Mutanen.

Mygg på vannflaten

Njiŋŋelas čuoikkat luitet njivnnaid čázeoaivái dávjá diekkár báikkiide, mat maŋit giđa suddet. Njivnnat orrot dálvvi das ja giđđat de šaddagohtet.

Foto: NRK

- Go áibmu lieggana, de girdilit maid čuoikkat. Dat gal bohtet go skáhpemuorra lieđđu, dat dat muitala ahte dál de ealáska čuoika, muitala Mutanen.


Guhkes dálvi váikkuha čuikii


Njiŋŋelas čuoikkat luitet njivnnaid čázeoaivái dávjá diekkár báikkiide, mat maŋit giđa suddet. Njivnnat orrot dálvvi das ja giđđat de šaddagohtet. Dán jagi lea leamaš guhkes dálvi, ja dat lea okta sivva manne čuoikkat eai leat vel girdilan.

- Maŋŋidis giđđa ja valjis muohta. Dakkár dilli njoahcuda šaddama, ja dan dihte ii leat dálki leamaš dakkár ahte dat girdilivččii. Mutanen lasiha.

Čuoikka einnostusat eai vuođđuduva dutkandieđuide


Mutanen ja eará dutkit eai láve álgit einnostit makkár čuoikageassi šaddá:

- Lea váttis dadjat dál šaddet go čuoikkat olu vai unnán. Dasa váikkuhit nu máŋga ášši. Mutanen čilge. Jus áibmu lieggana fáhkka, de girdilit čuoikkat maid, ja jáhkká ahte šaddet olu čuoikkat. Muhto jus geassedálkkit eai boađe nu jođánit, de lea daid boahtin maiddái dan mielde.