Luossanákkut: – Allet sivahala min

– Ádden bures go Deanoleagi báikegottálaččat leat suhttan, muhto eai sáhte sivahallat min go sin bivdovuoigatvuođat leat gáržžiduvvon. Dan cealká Veikko Rintamäki, gii lea suomabeale Deanuleagi bartaeaiggádiid searvvi jođiheaddji. Ođđa Deanosoahpamuš dat lea suhttadan olu Deatnogátti ássiid. Báikegottálaččaid árbevirolaš bivdovuoigatvuođat leat garrasit gáržžiduvvon, sullii 80 proseanttain.