Nuoraid luonddugáhttnorganisašuvdna, Luondu ja Nuorat riikkačoahkkimii, mii dán váhkoloahpa láigiduvvo Fredrikstádas, leat dál čoahkkanan birrásiid 250 nuora miehta Norggas.
Riikkačoahkkimis sii galget digaštallat earret eará ruvkedoaimmaid mat plánejuvvojit Førdevuonas ja Riehppovunas.
Luonddu ja Nuoraid luonddugáhttenorganisašuvnna jođiheaddji, Arnstein Vestre, dajai searvvi riikkačoahkkima rahpamis ahte sii leat čohkken badjel 2000 olbmuid geat leat gergosat vuostálstit ruvkedoaimmaid.
Luonddu ja Nuoraid searvvi jođiheaddji, Arnstein Vestre sártnida Luonddu ja Nuoraid Riikkačoahkkimii, mii lágiduvvo Fredrikstadas.
Foto: Heaika Nilsen Skum / NRK–Mii leat bures olahan mihttomearimet, ja leat nagodan čohkket badjel 2000 miellačájeheddjiid geat leat gergosaš eastadit ruvkeásahemiid sihke Førdevuonas ja Riehppovuonas, dajái, Arnstein Vestre riikkačoahkkinsártnistis.
- Loga NRK Sámi http://www.nrk.no/sapmi
"Dál lea doarvái"
Vestre gesii ovdan Sámediggepresendeata sániid, ja dajái sámegillii "dál lea doarvái", ja čujuhii ruvkesisabáhkkemiidda. Son lohka ahte mii dárbbašat buot biras ofelaččaid mat leat gávdnomis, ja ahte mii dárbbašat olbmuid geat oidnet čovdosiid allá dahkámis seamma oasttuvuođaid mat ovdal leat dahkkon.
Heajumus juvlaskeaŋka
–Seammás go luondugáhttejeaddjt ledje Parisas de Norgga Birasdirektoráhtta mudjiide juolludii buot heajumus juovlaskeŋka maid goassege lean ožžon.
Nu dadjá Luonddu ja Nuoraid jođiheaddji ja čujuha dasa go Nussir oaččui lobi luoitit ruvkebácahusaid Riehppovutnii. Son dadjá ahte jus Norgga eiseválddit eai ipmir luonddu várjalit, de sii fertejit dan dahkat.
- Guldal Arnstein Vestre jearahallama:
Finnmárkku Luonddu ja Nuoraid jođiheaddji Ella Marie Hætta Isaksen muitala manin ii bála lobihuššamis:
