NRK Meny
Normal

Sámi lávlla Melodi Grand Prixii

Measta 30 jagi leat gollan dan rájes go sámi lávlla gullui MGP:as. Ann Mari Andersen lávlla "Ándagassii" gilvala oassefinálas.

Ann Mari Andersen

Ann Mari Andersen árdna studios

Foto: Trina Ragnhild Boine Stødle / NRK

Measta 30 jági áigi gullui luohti "Sami Ædnan" lávlagis Melodi Grand Prixas.

Ođđaáigásaš lávlla

- Lávlaga namma lea "Ándagassii". Teaksta lea sámegillii, ja lávlagis gullo luohti maiddái. - Dat lea dakkár ođđaáigasaš lávlla mii soaitá muhtmiid hirpmástuhttit, muitala Guovdageaidnulaš Ann Mari Andersen.

Lávlu ii leat almmuhuvvon

Ann Mari Andersen lea teakstačálli, ja Stein Austrud lea fas šuoŋa ráhkadan. "Ándagassii" lea dat áidna lávlla maid Finnmárkus leat válljen, muhto lávlu ii leat vel almmuhuvvon. Andersen muitala ahte dat olmmoš gii lávlu ii galgga gávtti coggat.

- Gávdnojit olu tøffas sámi biktasat, lohká Andersen.

Oassefinálat leat ođđajagimánus, ja Norgga finála lea fas guovvamánus Oslo Spektrumas. Riikkaidgaskasaš loahppagilvvut leat miessemánu 24. beaivve Serbias.