NRK Meny
Normal

Luksushotealla riggámusaide

Son áiggošii hukset luksushotealla Oarje-Finnmárkui, mii dustešii máilmme riggáseamos turisttaid dárbbuid.

Jan Sortland.

Jan Sortland lea Norwegian Adventures fitnodaga jođiheaddji ja oamasteaddji.

Foto: Mette Ballovara / NRK

Dan lohká «Norwegian Addventures» turistafitnodaga oamasteaddji Jan Sortland.
Son lágida mátkkiid Norggas rikkis amerihkkálaččaide.

Muhtimat dáin golahit gitta 400.000 ruvnnu beaivái, muhto daid hárve beassá fievrát Finnmárkui go eai leat dohkálaš idjadanasajit doppe riggáide.

– Poláragierddu davábeal ii leat dál dakkár luksushoetealla, maid mun áiggošin hukset, lohká Sortland.

Sortland ii hálit vuos almmuhit gosa Oarje-Finnmárkui dákkár luksushotealla huksejuvvo, go hoteallaplánat leat vuos hui álgodásis.