Hopp til innhold

Luke 23 - Musikkvideo

Kom i julestemning med en splitter ny musikkvideo. Musikken har Ivan Höglund laget. Sangen hete "Stallo och jultomten(Stallo ja juovlastallo)"

Created by InfoDispatcher

Vinner av årets siste Thor Thrane-konkurranse:
Tormod Andersen - Vi gratulerer!
Premien er sendt med posten.

Korte nyheter

  • Gonagasbearaš jođus Áltái

    Les på norsk.

    Sotnabeaivvi iđida oidnui Norgga Gonagasskiipa mannamin Trollfjordenii.

    Lofotposten dieđihii dan birra álggos.

    MarineTraffic dieđuid mielde lei skiipa jođus Áltái, gosa galgá joavdat vuossárgga iđđesbeaivvi.

    Fuomášumiid mielde libarda Gonagasleavga, mii mearkkaša ahte Majestehta Gonagas Harald lea fatnasis.

    Ii leat vel sihkar lea go dá almmolaš mátki, vai leat go luomus.

    Govva lea váldon eará oktavuođas:

    Kongeskipet "Norge" og kongeskipet "Dannebrog" ankommer sammen inn til Aarhus under det norske kongeparets offisielle besøk i Danmark i juni 2023
    Foto: MIKKEL BERG PEDERSEN / AFP
  • 60.000 nissonolbmo gillájit PMDD:n – muhto ii dohkkehuvo sierra diagnosan

    Dábálaččat lea Ida Grønmo (24) buorremielalaš ja movttegis olmmoš. Muhto guokte vahku ovdal mánodávdda rievdá visot.

    – Jurdagat nugo «in leat doarvái buorre», «ii oktage liiko munnje» ja «livčče buoret jos in gávdnošii» bohtet millii.

    Ida jáhkká sus lea duođalaš PMS, mii maid gohčoduvvo PMDD:n. Ovdal go Ida gulai PMDD birra, de dovddai iežas earáláganim, ii ge ádden mii lea boastut.

    Go fuobmái ahte váivves jurdagat ja váibasat álo bohte ovdal mánodávdda, de áddegođii daid oktavuođa.

    Ida gulai vuosttaš geardde PMDD birra su oappás, gii oaivvildii ahte su dávdamearkkat sáhttet čatnot dasa, muitala son.

    PMDD sáhttá váikkuhit olbmo beaivválaš doaimmaide, karrieara ja oktavuođaide. Dávdamearkkat sáhttet leat lossamiella, áŧestus, suhttu, váttisvuođat stáđisvuođain ja iešsorbmenjurdagat.

    Vaikko dat ii leat dohkkehuvvon sierra diagnosan Norgga vuogádagas, de oažžu Ida dálkkodeami dán vuostá 14 beaivvi mánnui.

    – Dálkasat váidudit daid garra dovdduid, nu ahte mun in šatta nu lossamielas, dadjá son.

    NHI dieđuid mielde sáhttá sullii 5 proseantta šattolaš nissoniin leat PMDD. Dat lea sullii 60.000 nissonolbmo, muhto lohku sáhttá leat ain alibut.

    Iskkadeapmi mii čađahuvvui Ruoŧa nissonolbmuid gaskkas čájeha ahte sis geain lea PMDD lea duppal geardde stuorát risiko iešsorbmemii (olgguldas liŋka).

    Gynekologa Kristin Offerdal dieđuid mielde, vásihuvvo PMDD dávjá duođalaš dávdamearkan ovdal mánodávdda. Idai ja olu earáide geahppánit dávdamearkkat go mánodávda álgá.

    PMDD-Norga lea searvi mii bargá aktiivvalaččat buoridit diđolašvuođa diagnosa birra ja doarjagin sidjiide geat gillájit. Sii raporterejit ahte ollu miellahtut vásihit ahte dearvvasvuođabargit eai váldde sin duođalaččat.

    Idai lea leamaš ávkin leat buorre alccesat ja geavahit áppa gozihit iežas syklusa, mii addá sutnje buoret áddejumi iežas dovddolaš rievddademiide.

    Bilde av Ida Grønmo som ser tankefult ut i luften.

    Ida kjenner ikke igjen seg selv én til to uker av måneden

  • Áigot dutkat jievjaskuolffi

    Les på norsk.

    Návuona suohkan lea addán Norgga luonddudutkan instituhttii (NINA) lobi seaivut ja girdit vuollegaččat helikopteriin suohkanis.

    Girdin dáhpáhuvvá áitojuvvon jievjaskuolfenáli dutkanprošeavtta oktavuođas.

    Girdin galgá dáhpáhuvvat suoidnemánu loahpas.

    Instituhtta lea maid ohcan helikopterlobi Hámmerfeasttas, Omasvuonas, Ráissas ja Gáivuonas, dieđiha Framtid i Nord aviisa.