Luitojuvvon friddjavuhtii
Almmáiolbmo-guovttos geat vuossárgga áššáiduhttuiga geahččalan nuppi goddit, Tydala bartaguovllus, Mátta-Trøndelágas, leaba guktot luitojuvvon friddjavuhtii. Eaba dárbbaš háldogiddagasas leat, muitala NTB. Politiijat leat sihkkarastán buot duođaštusaid, eaige bala ahte almmáiolbmo-guovttos báhtareaba. Politiijat muitalit ahte lea muhtinlágan «servvoštallan» leamaš barttas, ja de leaba dát guovttos riidališgoahtán, ja guktot leaba de njulgen bissu nuppi vuostá. Ja nubbi almmái dat maid bážii. Politiijat leat guktuid jearahallan dál.