NRK Meny

Lohpida eambo politiija ámmáhii

Politiijadirektevra Odd Reidar Humlegård lohpida eambo politiijaid ja buoret bargovuogit go nuorta- ja Oarje-Finnmárkku politiijaguovllut časkojuvvojit oktii. Dat bođi ovdán ikte go politiijadirektoráhta lágidii ovttasbargokonferánsa Kirkonjárggas dieđihan dihte ođđa politiija rievdadeami birra. Muhto justa man ollu politiijaid birra dat lea sáhka ii sáhtte politiijadirektevra lohka, ja maiddái ii sáhtte muitalit goas dát ámmáhat bohttet Finnmárkui.