NRK Meny
Normal

Logi duhát olbmo duššan Kiinnás

Lagabui logi duhát olbmo leat dássážii duođaštuvvon jápmán eanandoarggádusa dihte oarjelulle-Kiinnás mánnodaga.

Store områder i Sichuan ligger ruiner
Foto: AP

Seammás bohtet ain ođđa dieđut olbmuid birra geat leat mollanan skuvllaid ja fabrihkaid siste. Kiinná lea dál bidjan 50.000 soalddáha gádjunbargui.

Olu mánát duššan

Olu mánát ja nuorat leat duššan, go unnimusat čieža skuvlla galget visot billahuvvan.

Eanandoarggádus mihtiduvvui leat 7,9 richter skála mielde ja lea dat vearrámus riikkas 30 jahkái.

– Jápminlohku Kiinnás boahtá máŋgga geardde duppalastojuvvot, jáhkká Norgga olgoriikkapolitihkalaš instituhta direktevra Jan Egeland.