Liikkaid boaldimat lassánit Davvi-Suomas
Davimus Suomas jáhkket lassánit dál liikkaid boaldimiid dahje kremašuvnnaid maŋŋá go Roavvenjárgii rahppui krematoria ođđajagimánus. Bivnnut lea maid gilvit gunaid lundui ja dasa ferte elat eanaeaiggáda lohpi. Suomas stáhta oamasta olu eatnamiid ja Meahcciráđđehussii bohtetge sullii 60 ohcamuša juohke jagi. Oapmahaččaid ja váinni dáhtus dat lea gitta man olu loahpa loahpas liikkaid boaldin lassána, dadjá Anára girkohearrá Tuomo Huusko.
Samisostera doaimmajođiheaddji Ristenrauna Magga unohastá váinniid gunaid gilvima lundui. -Son lea oahppan ahte hávddiid ii oaččo duolbmut. Mo de diehtit gosa daid váinniid gunaid leat gilván go luonddus johtit, dadjá son. Magga sávváge, ahte muhtin ráddjehusat guoskkašedje dan gosa gunaid oažžu gilvit.