NRK Meny
Normal

Lihkohisvuohta Guovdageainnus

Politiijaid operašuvdnaguovddážis Hámmárfeasttas duođaštit NRK Sápmái ahte mánná lea vuddjon Guovdageainnus, ja lea dolvojuvvon ambulánsahelikopteriin buohccivissui.

Ambulansehelikopter
Foto: Liv Inger Somby / NRK

Oarje-Finnmárkku politiijaguovddážis eai loga ožžon buot dieđuid doaktáris gii lei helikoptera mielde Guovdageidnui, eaige sáhte danin dál muitalit man bahuid mánná lea roasmmohuvvan.

Sii dušše duođaštit lihkohisvuođa, báikki ja ahte lea mánná mii lea vuddjon ja dolvojuvvon buohccivissui.

Finnmárkobuohcciviesu gulahallanhoavda, Ivar Greiner, duođašta ahte mánná lea boahtán helikopteriin Hámmárfeasta buohccivissui, muhto ii loga sáhttit dadjat eanet go sii eai leat beassan doaktáriiguin gulahallat.