Su dilli lea dál stabiila. Guokte biilla dat beaškkeheigga oktii, ja olmmái lei vuoddji nuppi biillas ja sáddejuvvui Tromsii Sea King helikopteriin.
Son lei okto biillas, dieđiha Oarje-Finnmárkku politiijaguovlu operasjonsjođiheaddji Jan Olav Schjølberg.
Mánná maid roasmmahuvái
Nuppi biillas ledje njealljes ja bearraša boarraseamos mánná, 14-jahkásaš, roasmmahuvái maid, muhto ii bahut. Son sáddejuvvui gal Hámmerfeastta buohccivissui.
Ášši dutkojuvvo dál dábálaš vuogi mielde ja Álttá bultijat leat leamaš lihkohisvuođabáikkis.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.