Lihkohisvuođa guorahallan

Dássážii dán jahkái leat eambbosat jápmán johtolatlihkohisvuođas go olles 2015:s Davvi-Norgga geainnuin. Ovcci olbmo leat jápmán geainnuin Romssas ja Finnmárkkus dán jagi. Čieža dáin lihkohisvuođain lea geavvan miessemánu rájes. Nu lohká Roar Olsen gii lea jođiheaddji lihkohisvuođa guorahallan joavkkus Stáhta geaidnodoaimmahaga ovddas Nordlys áviisii. Jus lea juhkanvuođas vuoddján, fárta dahje lea go geaidnostandárda dihte lea mearrideaddjin, lea menddo árrat lohkat, Olsena dieđuid mielde.