Lei galgat gulahállat

Eanandoalloministtar Sylvi Listhaug lei galgat gulahallat boazodolliiguin ovdalii go sáhkohit sin, oaivvilda Norgga boazosápmelaččaid riikasearvvi jođiheaddji, Ellinor Marita Jåma. Ikte gulaimet ge ahte Ábborášša orohaga Mikkel Mathis M. Eira oažžu masá millijovdna kruvdnosaš sáhku jus ii geahpet ealus.

Leat beare olu bohccot Finnmárkkus, ja ministtar gáibida dál njuovvat.

- Listhaug ferte váldit vuhtii váikkuhusaid áššis, ja čoavdit dan nu ahte buohkaide lea buorrin, lohká Jåma.