Hopp til innhold

Korte nyheter

  • Yakunin ii miehtan sivalažžan

    Otne álggii diggeášši Ruoššalaš Andrey Yakunin vuosttá, Davvi-Romssa ja Sážžá diggegottis. Son lea áššáskuhtton go galgá girdán dronain Svalbárddas, ja dan ii leat ruoššain lohpi bargat. Son ii miehtan sivalažžan. Yakunin lea ruošša gávpeolbmá bárdni, ja gávpeolbmás leat čanastumit Ruošša presidentii Vladimir Putinii. Son lea maiddái brihttalaš stáhtaborgár, lassin ruošša stáhtaborgárin. Yakunin advokáhtta, John Christian Elden, dadjá NRK:i ahte Yakunina ferte atnit brihttalažžan, ja nu ii sáhte son ráŋggáštuvvot.

  • Mediafitnodagat dinejedje bures

    Norgga mediafitnodagat dinejedje 2,2 miljárdda eambbo diibmá, go jagi ovdal. Nu čájehit Mediabearráigeahču logut. Máŋga mediaviesu manahedje ruđa pandemiija áiggis, muhto eanaš oassi dáin ruđain nagodedje fas dinet diibmá. Muhto Mediabearráigeahčču jáhkká ovdáneapmi fas rievdat, Ukraina soađi geažil, ja alla hattiid ja lágideami-váttisvuođaid geažil.

    Tv2 logo
    Foto: Javad Parsa / Javad Parsa
  • Eahpidahtti nuvttá mánáidgárdeárvalussii

    Sátnejođiheaddjit sámi suohkanin Deanus, Unjárggas, Kárášjogas ja Porsáŋggus Finnmárkkus, leat eahpidahtti sámediggeráđi árvalussii nuvttá mánáidgárdái, maiddái olggobeale doaibmaavádaga. Dát boahtá bissehit ráđđehusa áigumuša go áigot njulget álbmotovdáneami Finnmárkkus ja Romssas, nu dadjá Deanu sátnejođiheaddji Helga Pedersen.

    Ordfører Helga Pedersen i Tana
    Foto: NRK