NRK Meny
Normal

Leat go sámi mánát duođai nu searat go jáhkát?

Bearjadaga skábmamanu 7. beaivvi oidnogoahtá vuosttaš sámi realitehta mánáid-tv ráidu "Searat" gos oasseváldit galget birget luonddus ja oahppat bargat sámi árbevirolaš bargguid.

Promo

Goas: Bearjadagaid skábmamanu 7. beaivvi Gos: NRK Superis. Galleáigge: 1645

8 oasseváldi galget lávostallat vihtta beaivvi Gávuonas, Alta suohkanis, ja gilvalit šaddat searran. Oasseváldit juhkkojuvvojit guovtti jovkui, alit ja ruoná joavku. Joavkut galget gilvalit nuppi nuppi vuostá, muhto lihkus ii okta ge jienastuvvo eret gilvvus jus vuoittáhallá.

Biret Helene

Biret Helene durgeme

Foto: Elle Marja Eira / NRK

Vahku galget ieža birget luonddus elrávnnji ja mobiltelefuvnna haga. Dieđusge ii lean dat álo lihkka álki. Danne go oasseváldit balle seavdnjadis ja balddonasain de ii lean sin mielas nu somá leat olgun.

Searat - Ođđa mánáid-tv ráidu - NRK Sápmi


Ánte Siri oidno fas mánáid-tv:s

Maid sáhtát muitalit Searat-prográmma birra?
–Oasseváldit galget vahku orrut lávuin maid ieža leat ráhkadan doppe Gávuonas, ja galget fárrolaga čoavdit hástalusaid maid duopmárat addiba.

Ánte

Prográmmajođiheaddji Ánte Siri

Foto: Elle Marja Eira / NRK

–Searat-prográmma lea albma realitehta prográmma mas oasseváldit fertejedje duođas ieža dahkat buot, ja sii duođai orro iežaset dahkan lávuin vahku. Prográmmas iskat man bures dán áigge máhttet árbevirolaš bargguid bargat, nu movt suidnen, márfun jnv.


Mii dáhpáhuvai doppe?
– Mii beassat oaidnit ahte eai buot hástalusat leat lihka álkit buohkaide. Muhtumat eai lean guhkit áigge orron lávus nu ahte eai beasa riššudit juohke beaivvi. Muhtumat eai lean hárjánan márfelihtiide ja duotkkaide, ja muhtumat eai lean hárjánan snihkkemii.

– Dan maid eat oainne prográmmas, dušše gullat, lei ahte lei hirbmat dálki ihkku. Lei sihke biegga ja arvi ja sii šadde deaddit lávuid ja gokčat plastihkain. Muhto váikko lei veahá dálki de eai gal oasseváldit goassege váidalan.

Manne berret geahččat?
– Berret geahččat Searat-prográmma dan dihte go lea somá oaidnit movt oasseváldit čovdet hástalusaid maid ožžot ja seammás maid ieš oahpat olu go geahčat prográmma.

Lávvu

Válddahat

Foto: Elle Marja Eira / NRK

Cegget lávu gos ieža galget orrut

Karen Marie E. Buljo gii lea čeahppi bargat sámi bargguid, oahpahii oasseváldiid. Sin mielas lea Karen Marie hui smáđáhkes ja čeahppi. Vuosttaš gilvun lei cegget lávu, ja dal de beassat ge oaidnit nagodedje go sii dan dahkat.
Prográmmajođiheaddjin lea Ánte Siri ja sámi bargguid čeahppi lea ges Karen Marie Eira-Buljo. Oasseváldit leat Anne Madeleine, Vegard, Jo Ánte, Laila Kristine, Biret Helene, Fredric Andrè ja Sara Katrine.

Karen Marie ja Ánte

Karen Marie E. Buljo ja Ánte Siri

Foto: Elle Marja Eira / NRK

Goas: Bearjadagaid Skábmamanu 7. beaivve rájes
Gos: NRK Superis
Galleáigge: 1645

#searatmanaidtv