NRK Meny

Leansmánnekantuvra várra jávká

Finnmárkku politiijameašttir Ellen Katrine Hætta galgá iFinnmark.no dieđuid mielde leat ovdanbuktán evttohusa, ahte heaittihit Unjárgga leansmánnekantuvrra Vuonnabađas. Dat bođii ovdan Oarje-Finnmárkku guovlluráđi čoahkkimis odne, Honnesvágis. Okta ágga ahte heaittihit kantuvrra, lea ahte lea dušše 20-minuhtasaš biilavuodjin Deanušaldái gos lagamus leansmánnekantuvra lea. Maiddái Mehámmana leansmánnekantuvra evttohuvvo heaittihuvvot, neahttaáviissa dieđuid mielde.