Leaibevuonas vistti buollán
iFinnmark neahttaáviisa čállá ahte Fálesnuori ja Porsáŋggu heahtebálvalusat leat biddjon johtui Leaibevutnii Porsáŋggus go ožžo dieđu ahte muhtin vistti lea buollimin. Operašuvnnajođiheaddji Kaia Lilleby Finnmárkku politiijaguovllus muitala ahte lea sihkkarastinskáhppa mii lea buollán visttis.
-Ledje moattis visttis, muhto sii besse olggos lohká Lilleby. Ja čilge ahte olbmot eai galgga leat roasmmohuvvon.