NRK Meny
Normal

Lávvosánit

Jos it dovdda lávvosániid dahje goahtesániid, de dál sáhtát oahppat dovdat muhtun sániid.

Šielbmá dahjege šielbmamuorra lea vuogas uvssa bokte vai ii borgga sisa. Guldal mii daddjo šielmmá birra:

Šielbmá

Bearpmehat leat guokte jorba muora uksageahčen mat uvssas mannet árageđggiid rádjai.

Bearpmet
Foto: Else Turi / NRK

Loaiddut leat čohkkán- ja oađđensajit guovttebeal árrana. Árbevirolaččat lei eatni guovtto áhčiin sadji gurut bealde, ja stuorát mánáid ja gussiid sadji gis olgeš bealde.

Loaidu
Foto: Else Turi / NRK

Rákkas maid lea vuogas lávus vai bivvá oađđit.

Rákkas
Foto: Else Turi / NRK

Sokkit leat guovtte bealde loavdaga lahka. Doppe lávejit bivuid, biktasiid ja muđui gálvvu atnit.

Soggi
Foto: Else Turi / NRK

Boaššu lea siskkimuččas. Doppe atnet borramušaid.

Boaššu

Go áiggut vuoššat lávus, de lea vuogas diehtit erohusa skirttegis ja rikkis. Guldal čilgehusa:

Skirttet ja riggi

Gáldu: Ráikku Káre, Karen Utsi Somby.