Hopp til innhold

Lávlun ja čuojahanboddu

Unjárggas lágidit boarrásiidda doaluid maid gohčodit "Kulturell Spaserstokk". Dákkáraš doaimmaid leat Unjárggas lágidan boarrásiidda juo guokte jagi.

Ann Jorid Henriksen

Ann Jorid Henriksen

Foto: Marit Sofie Holmestrand

Ášši doaimmaha Marit Sofie Holmestrand

Mannan vahkkus lágiduvvui Unjárgga boarrásiidsearvi/ Nesseby Pensjonist foreninga dálus konsearta gos Ann Jorid Henriksen lavlui ja Halvdan Nedrejord čuojahi. Lagabui 60 vuorasat olbmo bohte daid doaluide. Arne Ivar Andersen ja su imit Elle Ravdna Wara searvvaiga maid konsertii.

Arne Ivar Andersen ja Elle Ravdna Wara

Arne Ivar Andersen ja Elle Ravdna Wara

Foto: Marit Sofie Holmestrand

Deaivvadit doaluide

Boarrrásiidda Unjárggas leat juo guokte jagi lágidan doaluid, ja dása lea Unjárgga gielda juolludan ruđaid. Ja juohke mánus deaivvadit boarrásat, dán heave lei Ann Jorid Henriksen bovdejuvvon lávlut boarrásiiguin ovttas ja Halvdan Nedrejord ges čuojahii.

Korte nyheter

  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi
  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi