NRK Meny

Lávlun geasuha sin

"Sámi Jienat" lea koarra mas golmma riikkas, Suomas, Ruoŧas ja Norggas oassálasttet lávlut. Koarralahttut johtet guhkes mátkii deaivvadit lávlunoahpahallamiidda.

Sámi Jienat

Sámi Jienat

Foto: Anne Olli / NRK

Artikkelen er flere år gammel.

Gula Sámi Jienat deaivvadeamis

Sámi Jienat lea sámi prošeaktakoarra mii vuođđuduvvui 2002:s. Dás leat miellahtut Ruoŧas, Norggas ja Suomas. Koaras juiget ja lávlot sámegillii, ja dás geavahit buot sámegiel suopmaniid.

Guhkes mátki deaivvadit

Sámi Jienet koarra

Sámi Jienet koarra

Foto: Anne Olli / NRK

Miellahtut orrot iešguđet guovlluin danne eai sáhte nu dávjá deaivvadit oahpahallat ovttas lávlut. Deaivvadeamit leat vahkkoloahpaid, ja deaivvadeamit leat sullii guktii jahkebealis.

Oahpahallamin lávlut

Oahpahallamin lávlut

Foto: Anne Olli / NRK

Oahpahallet ruovttuin

Go deaivvadit eai sáhte nu dávjá, de fertejit buohkat oahpahallat iežaset jienaid lávlut doppe gos leat. Juohkehaš hárjehalla ruovttus, nuohtaid- dahje muittumielde. Muhtimin leat sii lávlon cd:ii skerrui iežaset šuoŋa dahje nuohta, ja de oahpahallet go gullet dan.

Oahpahallamin lávlut

Oahpahallamin lávlut

Foto: Anne Olli / NRK

Lávlun buvttii ráhkesvuođa

Golmma riikka olbmot dat deaivvadit "Sámi Jienat" lávlumiidda. Deaivvadeamit leat maid addán eará go lávlunmovtta, go dán koaras lea maid párra šaddan. Soai leaba Laila Aleksandersen Nutti ja Per Olof Nutti. Laila lea norgga beal sámis eret ja Per Olof ges ruoŧabeal sámis. Soai gávnnadeigga lávlumis, náitaleigga ja dál leat sutnos juo guokte máná.

Koarrii sáhttá searvat

Dirigeanta Bernt M. Haglund

Dirigeanta Bernt M. Haglund

Foto: Anne Olli / NRK

Sámi Jienat koarrii sáhttá searvat, go koarrii dáhtošedje eanet miellahttuid. Koarralahttuid lohku rievddada prošeavttaid mielde. Muhtimat liikojit lávlut sálmmaid, earát ges earralagan lávlagiid. Luohteprošeavttas ledje ges mielde ollugat geaid mielas juoigan lei somá. Boahtte deaivvadeapmi lea golggotmánus.

Eahket doalut lávus

Eahket doalut lávus

Foto: Anne Olli / NRK

Eahket doalut

Sámi Jienat deaivvadedje miessemánu loahpas Gáresavvonis Ruoŧas. Maŋŋil lávlumiid deaivvadedje lávlut lávus. Doppe gullui maid luohti, ja diehtalasat lávlo máŋggajienas doppege.