NRK Meny
Normal

Lávlot máttásámi lávlagiid cd:ii

Golbma máttásámiskuvllamáná leat Röörovses boahtán Kárášjohkii Skádjastudioi lávlut máttasámi lávlagiid cd:ii. Dál lea lávlagat cd:s.

Majja-Krihke Bransfjell, Vanja Tørresdal ja Laila Haugom Nordfjell
Foto: Marit Sofie Holmestrand / NRK

Vaikke sii ledje bures oahpahallan lávlagiid, de lei muhtimin váttis čuovvut mielde, himiha Vanja Krihke Bransfjell ja čuovvola fas lávlluma. Sin mielas lea somás ja gelddolaš doaibmá lávlut cd:ii, go dát ii dáhpahuvva beaivválaččat sin ektui. Dás sii gal ohppet maid ollu.

Ja Prahkes/ Brekkenis Máttá Trøndelágas gos Vanja Tørresdal ássá, doppe eai gal leat nu ollugat geat hállet sámegiela, muhto son máhtta ja ádde veahá..

Sii lávlot bures


Sii leat lávlun nu ahte jietna lea juo šaddagoahtán oalle sieđas dadjalasttá Láila Haugom Nordfjell, muhto prošeaktajođiheaddji Liv Tone Boine illuda go nu bures manna. Su mielas lea buorre go nuorat nu áŋgirit lávlot iežaset gillii, dát movttiidahttá suge.


Cd maiddái ávkin ruoŧabeali mánáide

Práhkeskuvlla oahpaheaddji Ines Rensberg oahppiinisguin Skádja Studios

Práhkeskuvlla oahpaheaddji Ines Rensberg oahppiinisguin Skádja Studios

Foto: Marit Sofie Holmestrand

Nieiddain leamašan Prahke-/Brekkenskuvla oahpaheaddji Inez Rensberg veahkkin dalle go sii ruovttubáikkis oahpahalle lávlagiid maid cd:ii leat lávlun. Rensberga mielas lea dehálaš bargu mas sii dál leat mielde, go dat boahttá leat maiddái ávkin gielalaččat sihke Ruoŧa ja Norgga sámi mánáide.

Vanja muitala iežas mielaš lávlut iežaset gillii, ná han sii gáhttejit ja viidásatfievrridit máttásámegiela, go gullá ja geavaha dan, de dat ii jávkka.

Sii geat lávlot máttásámi cd:s leat Maajja-Krihke Bransfjell, Vanja Tørresdal og Laila Haugom Nordfjell
Mielde dán prošeavttas lea vel sin oahpaheaddji Prahke/ Brekken Oppvekstsenteris,Inez Renberg.

Davvi Girji duogábealde

Prošeaktajođiheaddji Liv Tone Boine ja Skádja studio Magnus Vuolab
Foto: Marit Sofie Holmestrand


Sámi lágádus Davvi Girji dat almmustahttá dan cd`ja dáinna lea sin prošeaktabargi Liv Tone Boine bargan. Lávlun lea dáhpáhuvvan Magnus Vuolaba Skádjastudios Kárášjogas. Ja lávlagat galget golmma sámegillii almmuhttot, máttas-, julev- ja davvisámegillii.