Lapp Affair-čájálmas maŋiduvvon

Lapp Affair - unfinished business- čájálmas mii galggai dán mánu loahpas čájehuvvot Operaes Oslos, lea buozalmasvuođa dihte maŋiduvvon. Dán čájálmasas lei vuosttaš čájálmas davvi-Norgga riemuin 2016s ja Opera ruovttusiidduin čállet ge ahte dát fáddá maid dát vihtta sámi dáiddara ja musihkkara ovdanbuktet dán čájálmasas, lea hui áifeguovdil. Čájálmasas leat fárus Elle Márjá Eira, Sofia Jannok, Mari Boine, Máret Anne Sara ja Anders Sunna. Sofia Jannok dat lea buohccin dieđihuvvon, čállá Norgga Opera iežaset neahttasiidduin. Sii dieđihit ahte Mari Boine lea miehtan doallat konseartta dán eahkeda go dát čájálmas maŋiduvvui.