NRK Meny
Normal

Laksjohkii hukse guovddáža

Arild Måsø lea ásaheamen kristtalaš álgoálbmot guovddaža Laksjohkii Deanu gildii. Dán gease juo lágida kristtalaš álgoálbmot konferánssa iežas ássanbáikkis Laksjogas.

Arild Måsø
Foto: Anne Olli

Iežas muitala Arild Måsø ožžon gohččuma Ipmilis ahte galgá bargat álgoálbmogiiguin ovttas. Danne lea son áigá juo bargagoahtán dainna jurdagiin ahte ásahit kristtalaš álgoálbmotguovddáža ieaš ássanbáikái.

Gávnnadit dán geasi

Dán gease juo deaivvadit álgoálbmogat Laksjogas konferánsii gos ságastallet guovddáža ásaheamis. Dasalassin galget sii maid oahppat mo láhttet go kristtalaččat vulget mišuneren mátkái olgoriikii. Ovdal go vulget, de fertešit sii oahppat mo láhttet amas kultuvrraid gaskkas. Danne go sin kultuvrra ferte váldit vuhtii, iige duššin dahkat dan. Sámis leat olbmot dolin vásihan mo dážat dulbme sámikultuvrra, danne eai gálggašii sámi mišunearat dahkat dan seamma go vulget kristtalašvuođas muitalit eará álgoálbmogiidda.

Tevnnedat gárvá, de lea beare cegget guovddáža

Kristtalaš álgoálbmot guovddáža tevnnegat livčče leat gárvá, de dál livččii guovddáš leat ollen huksenmuddui. Eana gal sutnos eamidaš lea doarvái, danne dat ii gal cákkašii guovddáža ásahuvvomis.