Laila Stien lea riegádan ja bajásšaddan Muoffi guovllus, muhto ássá Álttás. Su vuosttaš girji lei noveallačoakkáldat "Nyveien", dat dat lea dál Nationen gilvvus olahan logát buoremus báikegottečállosii sadjai.
Čállán mánáide ja ollesolbmuide
Stien lea čállán sihke mánáide ja ollesolbmuide. Son lea maiddái olahan bálkkašumiid čállindáiddus ovddas. 1993:s oaččui son Kritihkkáriidbálkkašumi mánáidgirjji ovddas ja jagi 2000:s ges Aschehougbálkkašumi.
Vuosttaš girji
"Nyveien" almmustuvai 1979:s, ja dát leage sus vuosttaš girji mii almmustuvai. Nationen cállá "Nyveien"girjjis vuhtto veaháš politihkkalaš jurddašeapmi, vaikke dien áigge ledje norgga čáppágirjjálašvuođa čállit heaitigoahttán čállimis poletihkkalaš áššiin. Laila Stiena girjjis "Nyveien":s lea sáhka das mo eamiálbmogat árbevieruineaset ja dábiineaset láhttejit go ođđaáiggiin deaivvadit, ođđa geainnuin ja stuorra geaidnobarganmášiinnaiguin.