Nils Anders Bueng lea okta joavkkus gii lea mielde morránahttinkonferánssas mii dál lágiduvvui Guovdageainnus. Otne jotket mátkiset viidáseabbot Áltái gos maid bissánit rohkadallat ja máidnut Jesusa
Morránahttin mátki
Sin váldoáigumuš mátkiin Finnmárkkus lea rohkadallat Davvi Kálohta álbmoga ovddas ja morránahttit olbmuid Ipmila ráfái. Joavku háliidivčče fuopmášahttit olbmuide man buorre ja ráfálaš eallin šaddašii jos morránivččii ja oskkugoađášii Jesus Kristosii.
Sárdnideaddjit mielde
Dán morránahttin mátkis leat sárdnideaddjit mielde geat leat eret Kenyas, Londonis, Suomas ja Norggas. Jørn Strand ja Nils Anders Bueng sárdnideaba ja lávluba maid, ja mátkis gullo olu máidnun, rohkadallan ja maiddái ovdarohkosa lea vejolaš oažžut.
Guorbmebiillain mátkoštit
Jørn Strand ja Nils Anders Bueng mátkošteaba guorbmebiillain mii lea hápmejuvvon dan lahkai ahte sáhttá ráhkaduvvot lávdin gos leat buot biergasat mat dárbbašuvvojit sárdnemátkis.
Mátki joatka Áltái, Levdnjii ja Hammarfestii
Maŋŋil Guuovdageankonferanssa joatká morránahttinmátki Áltái, Levdnjii ja Hammarfestii gos maiddái maidnot Jesusa, rohkadallet ja čuojahit. Mátki loahpahuvvo Hammarfeasttas borgemánu 16. beaivvi.