NRK Meny
Normal

Láhkačeahppi: – Jarvas ii leat miige nanu áššiid

Romssa universitehta vuosttašamanueansa Ánde Somby ii loga Kim Oiva Jarvas ja su ádjás Oiva Jarvas miige nanu áššiid.

Thor Thrane jearahallá Ánde Somby studios.

Dás sáhtát oaidnit ja gullat studiojearahallama Ánde Somby. Jearahallin lea Thor Thrane.

Norgga buoremus crossavuoddji áiggošii ealáskahttit nuortasápmelaččaid boazodoalu Njávdámis Nuorta-Finnmárkkus.

Gávccilotjahkásaš Oiva lea Kim Oiva áddjá, ja lea maŋimuš Norgga beale nuortasápmelaš geas lea leamaš boazomearka.

50 jagi áigi dat Norgga stáhta válddii mearkka Oivas eret, ja attii eatnamiid earáide. Dan Oiva ii leat goassige dohkkehan, ja garra doarrumii bokte son moatti jagi áigi oaččui mearkka fas ruovttoluotta.

Mearkka lea Oiva dál skeŋken iežas áddjubii. Muhto jus mearkkas galgá leat ávki, de fertejit oažžut ruovttoluotta maiddái guohtoneatnamiid.

– Stáhta sáhtášii bággolonistit boazoguohtonguovllu ja daid dološ nuortalaš eatnamiid mat gulle midjiide, árvala Oiva Jarva.

Dássážii sii leat juo oastán badjelaš 70 álddu Smuk-bearrašis Várnjárgga orohagas.