Hopp til innhold

Kulturministtar ávvuda beassážiid Sámis

Vahku ovdal beassážiid čielggai ahte kultur- ja dásseárvoministtar Trine Skei Grande boahtá Sápmái beassášmárkaniidda.

Legger frem Mediemelding

Kultur- ja dásseárvuminsttar Trine Skei Grande, vuolgá Guovdageidnui dáid beassážiid.

Foto: Shad Madian / NRK

– Mii sáhtit duođaštit ahte son vuolgá Finnmárkui dáid beassážiid. Nu duođašta gulahallanjođiheaddji Kulturdepartemeanttas Marius Bakke.

Guovdageainnus lea sámi beassášmárkaniid bargit olles fárta ráhkkaneamen beassážiidda, ja sii illudit go Trine Skei Grande boahtá sin márkaniidda. Festiválajođiheaddji muitala ahte sutnje lea dehálaš ahte minsttar beassá vásihit albmá sámi beassážiid.

Ken Are Bongo

Sámi beassášmárkaniid jođiheaddji Ken Are Bongo.

Foto: Malene Larsen Gaino / NRK

– Mii háliidat ahte ministtar beassá vásihit mo Sámis dollet beassážiid. Vásihit daid olbmuid, artisttaid, dáiddáriid ja ollislaččat sámi beassášmárkaniid. Nu muitala Sámi beassášmárkaniid festiválajođiheaddji Ken Are Bongo

Kultur- ja dásseárvoministtar lea Guovdageainnus skilleduorastagas guhkesbearjadahkii. Ja sus lea olu maid galgá geargat dahkat.

Dievva prográmmá

Stor interesse for Sámi Grand Prix

Dievva prográmmá: Vaikko minsttar ii leat go jándora Guovdageainnus de galgá son geargat olu vásihit.

Foto: EWA-MARI HEDMAN / NRK

– Son galleda Diehtosiidda, fitná geahččamin dánsenkurssa beaivet ja eahkedis gis leat mállásat Guovdageainnu sátnejođiheaddjiin Johan Vasarain ja sámediggepresideanttain Aili Keskitaloin. Ja de dollejit árbevirolaš juoigankonsertii. Nu muitala Bongo.

Ovdalgo vuolgá bearjadaga, de deaivvada Grande nuorrá sámi dáiddáriiguin.

Korte nyheter

  • «Stjålet»-skuespiller: – Alt er basert på ekte hendelser

    Loga sámegillii.

    – Alt er basert på ekte hendelser. Det er det livet samer må tåle på svensk side av Sápmi.

    Det forteller skuespiller, artist og reindriftsutøver Simon Issat Marainen. Han spiller Olle i filmen Stjålet, som nå er på topp ti i 71 land.

    Filmen tar for seg reindriftsmiljøet i Nord-Sverige, og splittelsen mellom sáme og andre innbyggere som mener samene har skylden for alt vondt.

    – Mye inngrep, rasisme, du blir ikke tatt på alvor, du føler deg oversett, og det har konsekvenser for din psykiske helse.

    Slik beskriver Marainen situasjonen, både på svensk side og ellers.

    – Samiske næringer er undertrykket på svensk side, spesielt reindrifta, mener han.

    – Det var spesielt å se filmen. Jeg er meget fornøyd med resultatet. Sterke følelser, og i filmen ser man mye som kjennes sterkt, når en ser alt en reindriftsutøver må tåle.

    Gula olles jearahallama dás.

  • «Suoládeapmi»-neavttár: – Visot lea duohta dáhpáhusain ráhkaduvvon

    Les på norsk.

    – Visot lea duohta dáhpáhusain ráhkaduvvon. Dat lea dat duohta eallin maid sápmelaš šaddá gierdat dáppe ruoŧabeale Sámi.

    Dan muitala neavttár, artista ja badjeolmmoš Simon Issát Marainen. Son neaktá «Olle» «Suoládeapmi»-filmmas, mii dál lea logi buoremusaid gaskkas 71 riikkas.

    Filbma govvida Davvi-Ruoŧa boazodoallobirrasa ja mo badjeolbmot ja eará ássit leat juohkásan, go eará ássit oaivvildit ahte buot mii lea heittot, lea sápmelačča sivva.

    – Ollu sisabahkkemat, ollu cielaheapmi, olbmot eai váldde du duođas, don dovddat iežat badjelgehččojuvvon, ja dat čuohcá psyhkalaš dearvvašvuhtii.

    Nu govvida Marainen dili, sihke ruoŧabeale ja maid eará guovlluin.

    – Sámi ealáhusat leat hui badjelgehččojuvvon ruoŧabeale, goit boazodoallu, oaivvilda son.

    – Lei hui erenomáš oaidnit filmma. Mun lean hui duhtavaš bohtosiin. Garra dovddut, ja doppe leat hui ollu áššit mat čuhcet garrasit olbmuide, go oaidná visot daid áššiide maid boazovázzi šaddá gierdat.

    Gula olles jearahallama dás.

    Simon Issát Marainen er en av deltakerne i SGP
    Foto: NRK / Danil Roekke
  • Measta 3 miljovnna olbmo ožžo ruđa NAVas 2023:s.

    Les på norsk

    2,8 miljovnna olbmo, mii lea bealli Norgga álbmogis, ožžo doarjaga Navas unnimusat oktii 2023:s. Dasa lassin ledje 105 000 olgoriikkalačča geat ožžo ruđa Navas.

    - Eatnašat mis vuostáiváldet ruđa Navas oktii dahje máŋgii eallimis, ja diimmá jagi oaččui bealli álbmogis ruđa Navas unnimusat oktii. Dat muitala maid Nav mearkkaša servodahkii ja olbmuide, dadjá bargo- ja čálgodirektevra Hans Christian Holte.

    Nav máksámušat olbmuide geat orrot Norggas lassánedje 8,9 proseanttain ovddit jagi ektui, lassáneapmi lea 46,6 miljárdda ruvnnuin

    - Eanet buozalmasjávkan ja eanet penšunisttat lasihedje buohcanruđaid ja boarrásiidpenšuvnna mávssuid. Bargočielggadanruđat ja bargonávccahisvuođadoarjja lassánedje, ja go šattai čavga bargomárkan 2023:s, de mávssii Nav unnit beaiveruđaid 2022 ektui, dadjá Holte.

    Oktiibuot 583 miljárdda ruvnno ovddas maid NAV mávssii olbmuide 2023, manai 10,6 miljárdda olbmuide geat orrot olgoriikkas. Dát lea 1,8 proseantta ollislaš supmis.

    Nu čállá Nav.