NRK Meny

Lagabui 450 olbmo dál boahkohuvvon

Jamal guovllus Ruoššas leat lagabui 450 olbmo dál boahkohuvvon dáđvesonahaga vuostá. 70 olbmo leat ain buohcciviesus maŋŋá dán epedemiija. Lagabui 30 olbmo geat maid ledje gártan buohccivissui, leat dearvvasnuvvan ja besset fargga máhccat ruovttu guvlui, dieđiha neahttabáiki Vesti Yamal. Moadde duhát bohcco ja okta nuorra gánda leat jápmán maŋŋá go dát epedemiija leavvagodii Jamal guovllus suoidnemánu loahpas vuosttas geardde 70 jahkai.