NRK Meny
Normal

Ládjobeaivi geasuhii olbmuid

Báikkálaš searvvit Porsáŋggus lágidedje gieskat ládjobeaivvi mii čohkkii olbmuid Siivarnjárgii.

Slåttedag i Porsanger

Olbmot návddašedje eallima beaivvadagas Siivarnjárggas

Foto: Arne Ivar Johnsen / Nrk

Norggas leat 22 válljejuvvon guovllu mat leat mielde eanadoalu kultureanadagas. Okta dain lea Goarahat ja Njárga kultureanadat Porsáŋggu gielddas. Dán oktavuođas lágidii Sarvvesvuona/Kolvik gilisearvi ovttas Goarahaga ládjoservviin ládjobeaivvi Siivarnjárggas.

Láddjenoahpaheaddji láddjegođii mánnán

Arnulf Olsen

Arnulf Olsen

Foto: Arne Ivar Johnsen / Nrk

Son guhte oahpahii olbmuide liššáin láddjet suinniid lei Arnulf Olsen gii ássá Goarahagas. 7 jahkásažžan son láddjegođii nu ahte liššá son gal máhttá gieđahallat. Son lohká ahte láddjet sáhttá leat lossat go liššá ii máhte rivttes láhkai doallat.

Ollu lea rievdan ja ovdánan

Svein Eliassen

Svein Eliassen

Foto: Arne Ivar Johnsen / Nrk

Ovdal fertejedje olbmot giehtafámuin dahkat dan masa otne sáhttet geavahit mašiinnaid. Svein Eliassen lohká ártet smiehttat mo áiggit leat rievdan. Son muittaša iežas ádjá rohkki gii gal ii jáhkán geange mánu alde vázzán dalle go dat dáhpáhuvai 20.7.1969. Ládjobeaivi lea mávssolaš go dákkár deaivvadeames veaddjájit boares muittut lohká Svein Eliassen.

Somás áiggit

Gunvald Nilsen, Olaf Olli

Gunvald Nilsen, Olaf Olli

Foto: Arne Ivar Johnsen / Nrk

Gunvald Nilsen, gii lea bajásšaddan Njárggas, muittaša daid áiggiid go mearas ii lean go viežžalit vuoššanguoli. Maŋŋá go olbmot ledje boradan sáiddi ja vuoivasiid de lei láhttis nohkastit ovdal go fas lei áigi olggos bargat. Olaf Olli, guhte ges ássá Činavuohpis, muitá daid gesiid go fertii báhtarit amas ii šaddan jorahit šliippá.