NRK Meny
Normal

Laadtegh joekoen bååtja

Laadtegh maehtieh, buerien viehkine, canceren vuestieh sjidtedh. Dotkijh vientieh laadtegh, maahta cancere skïemtjem heerredidh.

Multer

Gullie muerjieh-buerien muerjieh.

Foto: Ole Kr. Tangen

Bïekeren gullie- muerjieh maahta, vihkeles daan cancere-giehtjiedimmese sjidtedh. Laadtegen antioksidante, ellanginsyre dihte mij edtja daam cancerem heerredidh. Daan bijre lea dotkije dåehkieh universiteeteste Helsinki Såevmieste giehtjedamme. Giehtjedamme guktie snearah daam antioksidantem dååsteme. Daan saernien bijre NRK Nordnytt tjaaleme www.nrk.no/nordnytt/multer-kan-kurere-kreft-1.11867274

–Nov amma naemhtie, jeahta Anne-Marja Pajari, dotkije Universiteetesne Helsinkiesne. Vååjnoe goh laadtege, maahta orre cancere sjædtoeh heerredidh jih daejtie sjædtoejde unniedidh jih bueriedidh jeahta Pajari.

Almetjidie nuhtjedh.

Daate vihkeles viehkie sjædta, daejtie mij cancerem tjåejjesne jih tjåeline utnieh. Daelie tjoeveribie giehtjedidh jis laadtegh seamma hijvene almetjidie nuhtjedh.

Daelie jijnjesh møørjeminie jih jijnjh dajvine laadth-bïekere øøvre dieves daejstie joekoen muerjiejste. Ij leah gåvva daejredh, maan jijnjem daejstie muerjieste tjoerh byøpmedidh jis edtja nuhteligs årrodh.

– Geerve jiehtedh. Ibie ennje ensilaakan daam giehtjedamme. Moenedem tjoerh 50-100 gr biejjesne byøpmedidh jeahta Pajari.

Almetjh guhkiem laadtegh tjåejjie- bååtjine nuhtjeme.

Dihte Nøørjen giehtjedimmieinstituttet Bioforsk, desnie bievnede dihte dotkije Paul Aspholm, laadtege guhkiem vihkeles almetjedåehkide orreme.

– Ov-messie skïemtjelassh viehkiedamme. Sovhte jih gosse tjøøjijste, maahta muerjiem jih aaj daam muerjien-sjædtoem nuhtjedh. Laadtege åtna joekoen jijnjem C-vitaminem jih jeatjah joekoen antioksidant jeahta Aspholm.