Kveanagiella govssahallá skuvllain
Otne lea kvenaid álbmotbeaivi ja beroštupmi ávvudit dán beaivvi lassána jagis jahkái. Muhto kveanagiela dilli ii oro seamma dilis go eanet ahte eanet mánát masset kveanagiela oahpahusa go skuvllain eai nagot fállat dan sidjiide.
Kveana instituhta beaivválaš jođiheaddji Hilde Skanke oaivvilda ahte galggašii láhčit dili nu, ahte mánáin livččii vejolašvuohta oahppat kveanagiela.
Romssas ja Finnmárkkus mánát gal ohppet kveanagiela mánáidgárddiin, muhto go skuvlii álget de olus sis gártet válljet dan eret go dat gilvala eará bivnnuhis fágaiguin.
Oahpahusdirektoráhtas áddejit dán fuola. Seniorráđđeaddi Maria Grythaugen lohká iežaset buorideamen dili, ja leatge dál ovdánahttigoahtán oahpporesurssaid ja nannemin kveanagiela gealbbu vuođđoskuvllas. Joatkkaskuvllain ii leat kvenagiela fálaldat.