NRK Meny
Normal

Kvantemedisiinnain maid dálkkodit

Ođđa dálkkodanvuogiid liikojit olbmot iskkat geahččaladdat. Dál lea sáhka kvantemedisiinnas.

Amir Mofahte

Amir Mofathe

Foto: Anne Olli

Dán áigge gávdnojit vaikke man láganaš dálkkodan ávdnasat. Kvantemediisiidnan gohčodit dán vuogi mas dás lea sáhka. Das iskket rupmaša cealladoaimma. Dán rumaš-iskadeami oidnen Luonddudálkkodan-messas Álttás dá gieska.

Kvantemedisiidna

Dihtormášiinnain iskket olbmo cealláid

Dihtormášiinnain iskket olbmo cealláid

Foto: Ánne Olli

Son čilge kvantemedisiinna leat oahppun mas čielggadit mo olbmo rupmaša ceallát doibmet. Ja de lea nu ahte sii iskket de datamášiinnaid vehkiin buot das mo rupmaša oasis doibmet, nugo mat vuoivvas, monemaččat, hormonat ja varrajohtu.

Datamášiidna dat buktit dieđuid das mat eai doaimma rupmašis nu bures. Mášiinnat maid gávnnahit manne buot eai doamma nugo mo galggašedje, ja de gávnnaha maid dát dáta-mášiidna makkár diksui olmmaš fertešii mannat.

Amir Mofathe gii dáid mášiinnain iskká olbmuid, muitala ahte lea olbmo ceallaid maid sii iskket. Amir Mofathe čilge mánsiinna doaibmat dego dábálaš váimoiskkan dátamášin, dat maid gohčodit EKG mihtárin. Muhto dábálaš EKG mihtár, mihtida dušše dan mo váibmu doaibmá, sii iskket buot rupmaša osiid Kvantemedisiidna dihtor tekonologiijan.

Iskadeaddjit leat oahppan olbmot

Amir Mofathe muitala ahte sii geat dáid mášiinnaiguin isket olbmuid dearvvasvuođa, sii leat alla oahppan olbmot.

Oainnange mo dat mášiinnat doibmet, olbmot čohkkedit stullui, bidjet gieđaid dakkáráš metállapláhtaid ála, ja de álget dát dátamášiinnat iskkat olbmo rupmáša cealláid. Mun oainnán ollugiid iskaheamen iežaset rupmáša cealláid, ja go leat gávnnahan makkár divššu olmmoš dárbbaša, de álggahit sii divššu. Muhto sii eai geavat dálkašii, báicce olbmo iežas rupmaša dálkkodeami.

Dagny Boine

Dagny Boine divššus

Foto: Anne Olli