NRK Meny
Normal

Kulturfitnodagaid doarjjafoanda

Maŋŋá Álttá stuimmiid ásahii Alta Kraftlag sierra ásahusa ja foandda mii galgá doarjut kulturfitnodagaid álggaheami Finnmárkkus. Dát ásahus hálddaša 12 miljon ruvnnu.

Anders Eira, Origo kulturfitnodaga stivrralahttu
Foto: Junge, Heiko / SCANPIX

Lea Origo kulturfitnodaga stivrralahttu Anders Eira gii muitala ahte sámi kulturfitnodagain lea vejolaš ohcat ruhtadoarjaga ásahusas mii doarju áššiid main sámi kultuvra boađášii ovdan. Dán ásahusas sáhttet earreteará ohcat ruhtadoarjaga nugo sámi musihkkii, girjjálašvuhtii ja earáge doaimmaide mas sámi kulturvra čalmmustuvvošii, nu muitala Anders Eira.

Ovdánahttit kulturfitnodagaid

Dás lea maid sáhka ovdánahttit fitnodagaid mat leat gánnáhahtti. Olbmot geat dás áiggošedje ohcat ruhtadoarjaga sáhttet váldet oktavuođa Origo Kulturfitnodaga jođiheaddjin Marit Hætta Øverli:n.

Gula jearahallama