Korrupšuvdna smávit gielddain

Dakkár oaivilis lea maid Poršáŋggu gieldda sátnejođiheaddji, Knut Roger Hanssen, go jearrat sus gáddá go iežas gielddas korrupšuvnna:

– In jáhke leat vuođu dasa, in fal, ja danne mun válljen fástidit ahte ii leat hállanveara.

Eai loga

Ja sullasaš láhkái fástidit maid vihtta eará sámegieldda sátnejođiheaddji geaid NRK Sápmi leat jearahallan.
Sihke Snoasa - , Unjárgga - , Kárášjoga -, Guovdageainnu - ja Deanu sátnejođiheaddjit beahttalit korrupšuvdnii gávdnomis vuođđu go sis leat buorit etihkka- ja dárkkistan njuolggadusat maid čuvvot.

Measta bealli dovdá

Duogáš korrupšuvdna gažaldahkii vulggii das go EU-rápporta čuoččuha

korrupšuvdnii buoret vuođu smávit gielddain go stuorát.

Miellagiddevaš lea maid guorahallan maid gielddaid organisašuvdna KS dagai gieldda njunnošiid gaskkas diibmá, go das boahtá ovdan ahte njealjis juohke logát hoavddas, lohket leat gullan árvalusaid mat attášedje dohkketmeahttun ovdamuniid gielddabargiide.

Kárášjoga gieldda sátnejođiheaddji, Anne Toril Eriksen Balto, fástida gis ná:

– Na, mun gal válljen jáhkkit ahte mis ii leat korrupšuvdna min gielddas