Ođasduvvon 09.07.2021
Suoidnemánu 5. beaivve bohte ođđa covid-19 njuolggadusat.
Norga čuovvu dál EU ivdnekártta, mas 23 euroáhpa riikka leat merkejuvvon ruonán.
Dat mearkkaša ahte duolá ektui sáhtát dál mátkkoštit olu eanet riikkaide dárbbaškeahttá čuovvut errengáibádusa go máhcat fas ruoktot.
Jus mátkkoštat ruoná riikkas Norgii, de it dárbbaš erremii go boađát ruoktot. Jus mátkkoštat muhtun riikkas dahje guovllus maid Álbmotdearvvašvuođainstituhtta lea merken ruoksadin, de fertet erremii go boađát fas ruoktot, Norgii.
Dát njuolggadus doaibmá vaikko vel dat riikka dahje regiovdna suovváge norgalaččaid boahtit dohko dahjege johtit doppe.
Geahča Álbmotdearvvašvuođa ivdnekártta sin neahttasiidduin.
Olu Norgga fylkkat runtan
Duorastaga ođasmáhtii Eurohpálaš njoammudávddaid eastadandoaimmahus (ECDC) sin njoammukártta – ja máŋga Norgga filkka mat ledje ruonán merkejuvvon leat dál merkejuvvon runtan (oránšan). Dat leat Rromssa ja Finnmárkku filka ja maiddái Trøndelága fylka.
Ovdagihtii ledje juo Rogaland ja Agder fylkkat merkejuvvon runtan.
Muhto Álbmotdearvvašvuođainstituhtta árvvoštallá ieš eurohpálaš njoammuloguin. Ja dan dihte ii leat daddjon ahte sin kárta heive oktii ECDC-karttain.
Eurohpálaš njoammudávddaid eastadandoaimmahus meroštallá riikkaid ja guovlluid maŋimuš 14 beaivvi njoammuloguid.
Runta, ruoksat ja sevdnjesruoksat mearkkaša ahte ferte erremii jus ii leat ollásit boahkuhuvvon.
Preben Aavitsland lohká NRK:i ahte runta ivnnis lea mearkkašupmi norgalaččaide geat bohtet guovlluin mat leat merkejuvvon runton ja háliidit mátkkoštit riikkaide gos leat garra sisamátkkoštannjuolggadusat.
Sáhtán go Norggas mátkkoštit Ruŧŧii?
Miessemánu 31. beaivve 2021 rájes heaittihedje buot mátkkoštangáržžidusaid Norggas Ruŧŧii ja eará davviriikkaide, ja maiddái ii gáibiduvvo šat covid-19 negatiiva iskkus.
Dát regiovnnat Ruoŧas šadde ruonán:
Dalarna, Gotland, Gävleborg, Halland, Jämtland, Skåne, Stockholm, Södermanland, Uppsala, Västerbotten, Västernorrland, Västmanland, Västra Götland, Örebro og Östergötland.
Dát regiovnnat joatkašuvvet runtan (oránšan) dahje ruoksadin:
Blekinge, Jönköping og Kalmar (runta) samt Kronoberg, Norrbotten og Värmland (ruoksadin).
Sáhtán go mátkkoštit Supmii?
Dál lea vejolaš mátkkoštit Supmii errekeahttá, jus boađát riikkain main lea 25 njoammuma dahje unnit juohke 100.000 ássis maŋimuš 14 beaivve.
Riikkain, main lea stuorát njoammulogut, dain lea gáržžiduvvon beassanvejolašvuohta Supmii ja dain lea maiddái bággu mannat erremii.
Dát regiovnnat šadde ruonán:
Helsset ja Uusimaa, Pirkanmaa ja Päijät-Häme.
Dát regiovnnat joatkašuvvet ruonán:
Central Finland, Central Ostrobothnia, Etelä-Savo, Itä-Savo, Kanta-Häme, Kymenlaakso, Lappi, Länsi-Pohja, North Karelia, North Ostrobothnia, Pohjois-Savo, Satakunta, South Karelia, South Ostrobothnia, Vaasa, Varsinais-Suomi og Åland.
Kainuu lea runta.
Beasan go Ruššii?
Ruošša ráját leat leamaš gitta 2020 rájes. Dušše muhtun mátkkošteddjiin lea lohpi mátkkoštit olggos ja sisa riikii girdi mielde dahje riikkarájá bokte. Buot dábálaš girdijohtolat Ruššii leat gaskaboddosaččat bisánan, ja buot girdimat Norgga ja Ruošša gaskka leat ain gaskaboddosaččat bissehuvvon.
Olgoriikkadepartemeanta ii rávve vuolgit mátkái dahje oanehis áigái orrut doppe jus ii leat áibbas dárbbašlaš dáidda Ruošša oasserepublihkaide:
Dagestan, Tsjetsjenia, Ingusjetia, Kabardino-Balkaria (ja maiddái Elbrus-guovllu), Davvi-Ossetia ja Karatsjajevo-Tsjerkessia, ja maiddái daid nuorta ja lulli osiin Stavropolskij Kraj:ii mas lea rádjá Tsjetsjeniai.
Olgorihmátkenjuolggadusat
Vaikko vel olgorihmátkenjuolggadusat ložžejuvvojitge, de ii mearkkaš dat ahte buot njuolggadusat leat seammaláganat juohke sajis. Mátkkošteaddjis lea alddis ovddasvástádus gávnnahit mo njuolggadusat doibmet iešguđet riikkas.
– Sii, guđet válljejit vuolgit mátkkoštit, fertejit ieža diđoštit makkár errennjuolggadusat leat doaimmas, makkár iskkusgáibádusat leat ja makkár njoammuneastadeapmi lea dan riikkas gosa leat vuolgimin. Buot dát rievddadit riikkas riikii, lohká Bent Høie ráđđehusa neahttasiidduin.
- Loga maiddái: Ráđđehus ii raba Norgga vuos dál eambbo
- Loga maiddái: Dát sáhttet bissehit mátki vaikko vel leaš koronapássa