Korona dieđut gaskavahku iđida
Hámmarfeasttas leat dál 25 olbmos korona. Ievttá rájes lea čiežasis duođaštuvvon dát virus. Okta sis bargá buohcciviesus, dieđiha gielda. Oktiibuot leat 15 buohcciviesu bargis Hámmarfeasttas dál korona. Álttás lea guoktásis duođaštuvvon korona, čállá Altaposten. Nubbi sudnos bođii Hámmarfeastta buohcciviesus ja lea dál sirremis, dieđiha sátnejođiheaddji Monica Nielsen. Nubbi bođii Norgii Gardermoena bokte muhtin rukses riikkas. Porsáŋggus lea vel ovttas duođaštuvvon korona. Son lea vuorrasat almmá. Njealljásis lea korona Porsáŋggus.