Kongsberg falleheapmi
Mátta-Norggas Kongsbergas lea badjel 30-jahkásaš dánmárkulaš almmái váldon gitta ja áššáiduhtton maŋŋá go vihtta olbmo leat jápmán ja guokte roasmmohuvvan ikte eahkedis. Boles ii čuoldde eret dan vejolašvuođa, ahte dát livččii terrordahku. Almmái fallehii máŋgga sajis Kongsberga guovddážis juovssain. Boles oaivvilda albmá okto dáid daguid duogábealde. Justiministtar Monica Mæland dadjá, ahte bolesiin olles riikkas lea gaskaboddosaččat bissoguoddin lohpi ja son lea ikte eahkedis álgi stáhtaministarii Jonas Gahr Størii dieđihan das mii lea dáhpáhuvvan. Dál lea dehálaš ahte boles beassá bargat barggus ja ahte oapmahaččaid dál áimmahuššat dadjá Mæland.