Klemetsen ja Graabak vuittiiga

Guovdageaidnulaš Håvard Klemetsen ja Jørgen Graabak vuittiiga ievttá joavkoovttastusgilvvu Kuusamos, Suomas.

Graabak og Klemetsen

Jørgen Graabak ja Håvard Klemetsen ávvudeaba dá go vuittiiga ovttastus joavkogilvvuid Lahtis diibmá. Sotnabeaivvi dagaiga dan seamma Kuusamos.

Foto: Heikki Saukkomaa / Lehtikuva / NTB scanpix

Klemetsen dadjá dán vuoittu ávkin iešdovdui mii čájeha ahte lea hárjehallan riekta ja illuda máilbmecupii mii lea Lillehammeris boahtte vahkkoloahpa.

Klemetsen ii lean vuordán leat meastta 25 sekundda ovdabeale
Duiskka mii bođii nubbin.

Oktii ovdal vuoitán fárrolaga

Kombinertgutta med brede smil fra Kuusamo

Ovttastusgilvvu gánddat govvidedje nu gohčoduvvon iešie dahje dárogillii selfie, Kuusamos.

Foto: Privat

Håvard Klemetsen ja Jørgen Graabak leaba vuoitán guktui ovttastus joavkogilvvuid masa leaba oasálasttán, ja vuittiiga vuosttaš geardde fárrolaga Lahtis, maŋŋá Sotsji Olympia gilvvuid, ikte vuittiiga ges máilmmimeašttirgilvvuin Kuusamos, Suomas.

Dál doaivuba ahte oaččuba vejolašvuođa gilvalit fárrolaga joavkosprinttas máilmmimeašttirgilvvuin Falunis.

Gieskat faskii bronsa

35 jahkásaš Guovdageaidnulaš vuittii mannan dálvve joavko OG-golli. Dá gieskat faskii son bronsa NM gilvvuin ja ikte ges vuitiiga ovttas Jørgen Graabakain sprinta máilmmicupagilvvuin Kuusamos, suomas.

Håvard Klemetsena stuorra mihttu dán dálvvi lea dattege máilmmimeašttirgilvvut Falunis guovvamánus.

Gii son beassá ovddastit Norgga?

Ođđajagimanu loahpageahčen mearriduvvo gii beassá ovddastit Norgga ovttastusgilviid olis máilmmimeašttirgilvvuin Falunis

  • Guldal ášši: