NRK Meny

Klamydia leavvá Guovdageainnus

Guovdageainnus dat eanemusat leavvá Klamydia nuoskkesdávda nuoraid gaskkas, ja Kárášjogas ges nubbin eanemus, Finnmárkkus. Sámediggeráđđelahttu, Henrik Olsen ovdanbuvttii statistihka ovddit beaivve Sámi joatkkaskuvllas máilmmi Aidsa-beaivvi čalmmustahttima oktavuođas. Duođaštuvvon klamydiadávdaguoddiid lohku lea rievddadan jagis jahkái iešguđet fylkkas. Ja dát logut čájehit ahte Finnmárkkus ja Romssas leat duođaštuvvon dávjjimusat klamydia olmmošlogu ektui olles riikkas.