NRK Meny

Kiinná boahtá Norgii árvoštallat

Kiinná lea boahtimin Norgii árvvoštallan dihtii oastigoahtit Norggas fas luosa. Ja danin deaivvadeabage guolástusministtar Per Sandberg, ja Kiinná biebmobearráigeahču ministtar Oslos maŋŋá beassážiid, nu čállá Dagens Næringsliv. 2010 rádjai vuvddii Norga badjel 90 proseantta dan luosas Kiinnái, maid dat osttii olgoriikkas oktiibuot. Odne lea dát oassi dušše moadde proseantta.