Keskitalo guodá – Muotká joarkká
Silje Karine Muotka (VSR/NSR) válljiduváj uddni sámedikkepresidænntan Sámedikke ållestjåhkanimen. 22 ájrrasa jienastin Muotkáv, madi 17 jienastin vuosstáj. Vuossteoajvvadusá lijga Torill Bakke Kåven (Nordkalottfolket) ja Ronny Wilhelmsem (Bb). Sæmmi båttå aj Aili Keskitalo (VSR/NSR) guodij dav ámmádav. – Lav nav gijttevasj gå lav oadtjum dav luohtádusáv. Muv iellem dal dájna rievddá. Gå diedáv man tjiehppe ådå presidænnta le, ja diedáv makkár vaddása sujna lij, de lij mujna buorre dåbdo, javllá Keskitalo NRKaj válga maññela.