Filbma lea davvisámegillii gohčoduvvon «Mánu meahci Kaisa» eaŋgalasgillii «Kaisa’s Enchanted Forest» ja suomagillii «Kuun metsän Kaisa».
Mannan vahkkoloahpa lágiduvvojedje Northern Character filbma ja tv riemut Murmánskkas. Dás vuittii filbma «Grand Prix of The Festival».
Filbmii lea Katja Gauriloff čállán giehtačállosa. Buvttadeaddjit leaba Enrique Mendéz ja Heikki Ferm. Jietnabargu: Timo Peltola, Jukka Nurmela. Animašuvna: Veronika Bessedina.
Muđuid šattai Gørild Mauseth ja su isidaTommaso Mottola filbma «Karenina and I» filbmariemuid stuorra vuoiti. Mottola vuittii buoremus bagadeami ovddas. Mottola, Andreas Ausland ja Gleb Teleshev vuite bálkkašumi buoremus govvema ovddas.
NRK Sámi mánáid-tv filbma «Ellá Márge IeŽár» vuittii bálkkašumi Buoremus mánáid- ja nuoraidprográmma.
- Dás sáhtát geahččat iežáriid
- Dáppe gávnnat
Lágiduvvui logát geardde
52 filmma miehtá máilmmi oassálaste dán jagi riemuin. Filmmaid váldofáddán leat davviguovllut.
Filmmat gilvalit čieža iešguđetge bálkkašupmesuorggis: dokumentára, dokumentára debuta, oanehisfilbma, tv-prográmma, portreahtta, kulturprográmma ja mánáid-/nuoraidprográmma.
Bálkkašumit juhkkojuvvojedje lávvardaga.
Northern Character International Film & TV Festival lágiduvvui logát geardde. Vuosttaš riemut lágiduvvojedje jagis 2008.