Karlsen unneda iežas bálkká

Ráissa suohkanis hedjona ruhtadilli boahtte jagi. Dál dáhttu sátnejođiheaddji vuolidit alcces mávssu.

 

John Karlsen
Foto: Lars Egil Mogård / NRK

Ráissa suohkan nugo olu eará suohkanat, rahčet ekonomiijain. Danne evttoha Ráissa sátnejođiheaddji, John Karlsen vuolidit alcces mávssu boahtte jagá bušeahtas. Suohkanstivra galgá meannudit ášši odne.    - Dát lea áidna vuohki gáržžidit iežaset boahtte jagi bušeahta, lohká John Karlsen.

  Karlsen unneda iežas bálkká

John Karlsen ii loga dás nu olu praktihkalaš mearkkašumi, muhto eambbo symbolalaš dahkkun. Dán bokte áigu čájehit ahte sátnejođiheaddji maid unnida goluid dakko gokko sáhttá.

Karlsen deattuha ahte juohke ossodat suohkanhálddahusas ferte seastit boahtte jagi, ja de ferte maiddái sátnejođiheaddji bealis bargat.

Eanaš manná bálkkáide

Sulli čieža gávccilot proseantta suohkana goluin manná suohkanbargiid bálkkáide. Go sátnejođiheaddji dál árvala unnidit alcceses mávssu, de sávvá earáid maid ipmirdit ahte boahtte jahki šaddá ruđalaččat lossat buohkaide, ja ahte buohkat fertejit leat gergosat seastit.

Dábálaččat loktejit politihkkárat mávssu alcceseaset. Guokte vahku áigi árvaledje Unjárggas bajidit mávssu sátnejođiheaddjái. Ráissa sátnejođiheaddji ii hálit jietnadit maidege das maid eará sántejođiheaddjit barggažet, ii ge ávžžut čuovvolit iežas.

- Juohkehaš ferte ieš árvvoštallat mot lea buoremus bargat, deattuha Karlsen.

Oanehaččat

  • Attašedje várrečohka Supmii

    Gáivuona sátnejođiheaddji Svein Leiros sávvá ahte ráđđehus dohkkeha ahte Norga skeŋke Gáivuona Hálde-várrečohka Supmii. Stáhtaministtar Erna Solberg lohká ahte leat muhtin formálalaš hástalusat ja dássážii ii leat son vel mearridan ahte doarju go skeŋkema vai ii, muhto ahte leat iskamin ášši. Sátnejođiheaddji Leiros oaivvilda ahte dát lea buorre vástádus.

  • Bargguhisvuohta njiejai

    Bargguhisvuohta njiejai 500 olbmuin suoidnemánus, nu čájehit Bargo- ja čálgohálddahusa logut. Muhto leat goitge eanet olbmot barggu haga dál, go diibmá seamma áigodagas. Bargoohccit geat leat doaibmabijus, njiejai seamma mánus 200 olbmuin. Bargguhisvuohta lea njiedjan eanemus Østfoldas ja Sogn og Fjordanes, ja eanemus bargguhisvuohta lassanii ges Finnmárkkus ja Aust-Agderis suoidnemánus.

Laster Twitter-innhold