NRK Meny

Bivdet stáhtas eanet ruđa

Kárášjoga gielda bivdá veahki sámeministaris, vai nagodit bisuhit sámegielfálaldagaid gielddas.

Kárášjoga gielda - Karasjok kommune

Kárášjoga gielda

Foto: Dan Robert Larsen / NRK

Artikkelen er flere år gammel.

Odne deaivvadit Kárášjoga gieldda njunnošat sámeministtarin Rigmor Aasrudain.

– Gielda bivdá dál stádas lasi ruđa vai nagodit doalahit sámegielfálaldagaid, go ruhtadilli lea erenoamáš heittot, dadjá sátnejođiheaddji Anne Toril Eriksen Balto.

30 miljovnna ruvnno vuolláibáza

Anne Toril Balto

Kárášjoga sátnejođiheaddji Anne Toril Eriksen Balto

Foto: Ronald Isaksen Pulk / NRK

Kárášjoga gielddas lea dál váile 30 million ruvnnu vuolláibáza ja dilli lea vearrái. Sátnejođiheaddji Eriksen Balto lohká sin otná čoahkkimis áigut váikkuhit vai ožžot eanet ruđaid Ođasmahttin,- halddahus ja girkodepartmeanttas, maid stáhtaráđđi Rigmor Aasrud jođiha.

Sátnejođiheaddji ii vel hálit almmuhit man ollu ruđa dárbbašit, muhto jáhkkimis lea dát eanet go moadde million ruvnnu.

Ballá sámegielagiid gillát

– Doaivvu mielde ministtar lea boahtán gullan dihte hástalusaid birra mat leat sámi gielddain ja doaivvu miede vuhtiiváldá hástalusaid ja ahte áigu dahkat juoidá dainna. Sámegiella lea rašes dilis ja lága mielde galgá sámegiella leat ovtta dásis dárogielain, lohká Balto.

Go ruhtadilli lea stoaččehan, de ballá Kárášjoga sátnejođiheaddji ahte sii geat eanemusat gillájit leat sámegielagat, erenoamážit boarrásat ja mánát. Sámegiella lea dehálaš dán guovtti bálvalusas.

– Lea hástalus sihke giela ja kultuvrra ektui, lea geavaheddjiid vuoigatvuohta beassat geavahit sámegiela.